Linguartea: gure hizkuntza-proiektua

Zubileta eskolan, komunikazioa mundura zabaltzeko zubitzat hartzen dugu. Gure Linguartea proiektuaren bidez, eleaniztasunaren kontzeptua esperientzia bizi eta dinamiko bihurtu dugu. Gure helburua ikasleak munduko herritar izateko prestatzea da. D ereduko eskola bat gara, horregatik, euskara da gure ikastetxeko komunikazio-hizkuntza nagusia, baina gainerako hizkuntzei ere —gaztelaniari, ingelesari eta zeinu-hizkuntzari— behar duten espazioa eta garapena bermatzen dizkiegu.

Hizkuntzak modu naturalean ikas daitezkeela sinesten dugu. Hori dela eta, ingelesaren irakaskuntza komunikazio-ikuspegitik lantzen dugu, eta, aldi berean, hizkuntza guztien arteko koherentzia metodologikoa bermatzen dugu, irakasle-taldearen elkarlanari esker.

Zeintzuk dira Linguartea proiektuaren zutabeak?

• Koherentzia eta elkarlana: Ikastetxean lantzen diren hizkuntza guztien tratamendua koordinatzen duen Hizkuntza Batzordea dugu.

• Murgiltzea funtsezko arloetan (AICLE): Ingelesaren erabilera praktikoa sustatzen dugu, sormenaren eta teknologia-berrikuntzaren bidez. Horrela, Arte Hezkuntza (plastika) eta Robotika ikasgaiak osorik ingelesez ematen dira LH4tik aurrera.

• Jatorrizko hiztunaren laguntza ikasgelan: Language Assistant (hizkuntza-laguntzaile natiboa) baten laguntza dugu. Haren bidez, kultura-aniztasuna sustatzen dugu, kultura-trukea indartzen dugu eta dinamismo handia ematen diegu ahozko jarduerei.

• Antzerkia lehen urratsetatik: Hizkuntzen ikaskuntza testuliburuetatik harago eramaten dugu. Horretarako, ingelesezko antzerki-saio interaktiboak eskaintzen ditugu Haur Hezkuntzan zein Lehen Hezkuntzan, adin bakoitzaren ezaugarrietara egokituta.

• Bizi-esperientziak eta murgiltzea: Hizkuntzaren benetako erabilera eta ikasleen autonomia sustatzen ditugu eguneroko egoeretan. Horren adibide dira LH6ko ikasleentzat hain bereziak diren ingelesezko egonaldiak (English camps).

• Komunikaziorako teknologia: Informazioaren eta komunikazioaren teknologiak (IKT) erabiltzen ditugu hizkuntzak lantzeko. Horri esker, ikasleek eduki eta baliabide digitalak sortzen dituzte, beren lanak eta emaitzak eskola-komunitate osoarekin partekatzeko.